كيف اخلي من احبه يحبني ..... (مشكله) ...

اروي هذا الموضوع باللسان شاب خليجي ...
و حبيت اطرحه لكم ..و اتقبل النقاش حول هذا الموضوع ...


تمر علينا بعض الاحيان اوقات نحب فيها شخص ولكن

هو ما يحبنا .. فكيف نخليه او كيف اخلي هذا الشخص

يحبني مثل ما انا احبه

اول شيء انا اتاكد من حبي له هل هو حب فعلا والا مجرد

اعجاب او حب تملك او ما شابه .. فلو كان اعجاب وبس

فالافضل اني اوخر عنه من البدايه لانه لو تقربت منه

وتعلق فيني وحبني وبعد ما افوق من سكرت الاعجاب

واقلب عليه رايح تكون النتيجة عكسيه وغير محموده

اما لو كان حب حقيقي فالموضوع في نظري بسيط جدا

اول شيء اصارحه بمشاعري بدون لف ولا دوران

اروح له واقوله يافلان انا احبك .. لو تقبل الموضوع

خير وبركه لو ما تقبل الموضوع عادي يكفي انه يعرف

اني احبه بصدق .. طيب انا ابيه يحبني بعد مو بس انا

اللي احبه لوحدي وهو ولا على باله شيء ..

الحل اني اتقرب منه واوقف معاه واساعده في كل شيء

واعطيه ثقتي والاطفه في كل شيء حتى لو زعلني ما ارد


عليه ولو قسى علي اتجاوز عنه ولو جرحني اسامحهيعني اقابل كل شيء منه بالاحسن والافضل

طيب في النهايه هل تضن انه رايح يحبني

اكيد رايح يحبك ليه ..؟
لأنه بشر وله قلب ويحس فمهما كان قاسي بيلين

ومهاما كان مبعد بيعود ومهما كان اناني بيصير

متعاون .. لكن اهم شيء تعاملي انا معاه

والرسول الكريم يقول ماكان الطيب في شيء الا زانه

وما كان الشر في شيء الا شانه .. وربنا تعالى يقول

( لن تنالوا البر حتى تنفقوا مما تحبون ) يعني اذا ربنا تعالى

ما راح يحب عبده الا لما يتقرب منه بما فرضه عليه من فرائض

ولن يعطيه البر الا بعد ان ينفق مما يحب .. فكيف بحال البشر

ولله المثل الاعلى على كل حال .

بالتاكيد انه مافي شيء بدون ثمن او بدون سببانا حبيت هذا الشخص فلجل اني اكسبه لازم اتعامل معاه

بكل طيب وبكل محبه و وداد .. وبالنهايه اكيد راح انول

مرادي ويحبني مثل ما احبه ويمكن بعد اكثر ..
لكن لصار اني احب شخص وهو ما يحبني

واقوم لجل اخليه يحبني اوذيه واسلط عليه

البشر والجن والاحقه من مكان لمكان واتبلى

عليه واشوه سمعته بين الناس وبين اصحابه

واذا طاح في مشكله بدل ما اوقف معاه اقوم اتشمت فيه

واذا احتاجني في شيء بدل ما اساعده اقوم اتمسخر عليه

وافضح فيه عند اللي يسوى واللي ما يسوىوربي وربي وربي هنا وفي هذه الحاله لا يمكن انه

يحبني ابد حتى ولو انطبقت السماء على الارض

بالعكس يمكن لو لقى علي فرصه ما راح يرحمني ابد

وبينتقم مني اشد انتقام والحقيقة اني استاهل ما يجيني منه




الحب شعور واحساس لازم يترجم في تعاملنا مع الآخرين

وخصوصا مع من نحب او نعشق او نهوى .. ولا يكفي

اني اقول لمن احبه ( انا احبك ) واكتفي بها .. فعمر الكلام

لوحده لا ياتي بنتيجه ابد لازم من الفعل مع الكلام .. واهم شيء

الفعل الطيب .. لأن الطيب دايم ينتصر خصوصا لو كان طيب

حقيقي وصادق ماهو طيب متكلف ومزيف لجل غرض في نفس

يعقوب فلما انتهى الغرض لا صام ولا صلى مثل ما يقولن



عمر الحب ما يجي بالغصب ولا ينشرى بكنوز الدنيا ابد

الحب يجي بالطيب بالمودة بالثقة بالرحمه وكل هذه الامور

تحتاج للفعل الطيب .


وانا بحكي قصه حدثت مع واحد من اصدقائي وتابعتها من البداية

للنهاية وكنت شاهد عيان فيها ..

كان صاحبنا يفتر في الشات وهو شخص لا له في الطحين ولا في العجين

بس سبحان الله ذيك اليوم ايش اللي جعله يدخل الشات ما ادري


المهم شاف الناس تتكلم وتسولف وهذا ياذي هذه وهذه تاذي هذا

فكتب :
من تحب تتعرف علي ترفع صباعها

ردت عليه وحدة وقالت انا .. المهم التقوا وتعرفوا وتكلموا

الخ الخ الخ

وبعد اسبوع جاني صديقي وقالي ياخي ابتلشت لي في بلشه

قلت له خير ايش الموضوع .. قالي السالفه كلها

وقالي والله احس اني احرق اعصابي على الفاضي يخي

انا رجال مالي في الخط اللمعلق .. انا حالي حال نفسي

قلت له طيب خلاص اقطع العرق وسيح دمه .. اخلع واتركها

ارسل لها وقلها انا اسف ما اقدر استمر معاك وخلاص

كل حي يروح لحال سبيله .. قالي وهو انا منتظرك تقولي

اصلا انا امس رسلت لها ايميل وبلغتها ان كل شخص

يروح لحاله افضل ..

المهم مرت وراحت الايام وبعد شهر جاني يقلي والله ما في فايده

خير ايش الموضوع .. اخذني على الايميل حقه وشفت رسايلها

ايش حب وايش غرام وايش اشواق الخ الخ الخ شيء يخلي

الحجر ينطق مثل ما يقولون ..الحقيقة اشفقت عليها فقلت له ياخي طيب يمكن تكون تحبك بصدق

قال كثر منها البنات اللي بالشات ................................... الخ الخ

قلت له معليش انا اختلف معاك شوي هنا ياخي لو انها من النوع الي تقول

كان ريحت راسها وارتاحت على ايش التعب هذا كله .. كان تركتك

ودورت غيرك .. لو ماهي صادقه ما ضلت تراسلك شهر كامل

وانت جدار لا حس ولا خبر ولا ترد عليها ..

المهم اقنعته انه يتواصل معاها ويتاكد منها ومن حبها له

اذا هي بنت ناس ومحترمه وصادقه عادي ايش اللي يمنع تقابل اهلها

وربنا يوفق بينكم .. اما لو هي من اللي يبالي بالك غير الايميل

وريح نفسك .. قالي طيب ساعدني قلت له ولا يمهمك

المهم وحتى لا اطول اختبرنا البنت من كل النواحي وطلعت

فعلا بنت صادقه ومحترمه ..

تحملته تحملته تحملته بكل معنى للكلمة .. هو الصراحة غثى شوي

والله لو انا بنت ما عطيه وجه حتى مو الا احبه بعد ... هههههه

كان يخاصمها وتراضيه يهجرها وتوصله المهم كل فعل منه شين


تقابله بالزين والطيب .. والله ماهي الا اربع شهور بس

وصار يحبها بجنون بجنون .. ولا يسمع ولا يشوف الا هي

لا سحرته ولا عملت له مقالب ولا اجبرته بالقوة .. لا لا

كله بالطيب احتوته لين حبها وتعلق فيها ..

وسبحان اللي جمع بينهم بلا ميعاد

هي اول مره تدخل الشات واللي دخلها الشات صديقه لها راحت عندها

وهو من زمان قاطع الشات والنت .. وسبحان اللي جمع بينهموراح وقابل اهلها وتعرف عليهم وخطبها وربي وفق بينهم

وتزوجها وعاش معاها وعاشت معاه من افضل ما يكون

وعندهم الآن بنتين عسى الله يحفظهم لهم ..

هذا الحب رحمه وتسامح و مودة وقبل كل شيء الصدق

فلو كنت احب شخص بصدق اعمل كل اللي يرضيهواكيد ربي وربه بيوفق بيننا .. اما لو كنت مزيف المشاعر

وكاذب على نفسي وعليه .. اكيد ربي وربه رايح تطغيني


ويطغيني حتى يغضب علي والعياذ بالله

اعتذر عن الايطاله .. واتقبل نقاشكم حول الموضوع

اول شي نشكر صاحبه الموضوع عليه وماشالله موضوع متكامل من كل النواحي

بنعلق على المشكله ثانيا

اهي مو مشكله انتي تبين الطريقه او فاتحه المجال علشان كل واحد يعرف الطريقه

اول شي انا اايد طريقه الدخول بالموضوع يعني لا تخليها تكبر يعني لو ماجابت نتيجه بس تكون ماكتمت هالشي بنفسك

الصراحه مميزه بهالشي او بغيره يعني انا من طبعي اضحك مع الكل بدون حدود واللي يتعامل وياي يعرف اني لو ابي منه شي بقوله بويهه وماراح اتردد وما احتاج لف ودوران

نرجع لموضوع الصراحه والتحمل طبعا هالموضوع مايخص رجل او امراه انتي طرحتيه كامل بس باسلوب امراه

الواحد فعلا لما يتحمل ينال اللي يبيه بس هل فعلا هالشخص يستاهل اتحمله


انا ما اسال ان كنت احبه او لا الحب شي وانه احب منو هذا اهم شي

يعين يمكن هالشخص يبي يستغلك بس بنظام خليه يستوي على نار هاديه وهالنظام موجود وبكثره

ابي اعلق هالشخص فيني ودام يبيني اشد واشحب علشان اخليه ينعمي فيني مو يتعلق

انا الحب الوحيد اللي مر علي بصدق كان بنفس هالطريقه

تخيلو شخص باتفاق الجميع انه مغرور هني اقصد انا

لانه يفسرون رفضي لكثره العلاقات اهو غرور

مع اني كنت اضحك مع الكل وامزح وياهم حيل بس لما تجي سالفه العلاقه ابعد لانه غلط اربط وحده فيني

وانا اصلا مو حاس بشي تجاهها يعني اهو تعب قلب وبس

المهم ارجع لموضوعنا

هالانسانه كان يربطني فيها شغل واهي فهمتني انه لازم يكون الحدود بينا بالشغل

وانا اتفقت وياها بهالشي بس انا بطبعي احب اضحك وايد فكانت تضحك في مرات بس تلزمني بالضحك

وانا تعلمت اني وياها اكون ملتزم بما انها رغبتها وفعلا ماكان لي نيه وياها غير الشغل

شوي شوي لقيت نفسي اتعلق فيها وباسلوبها وثقافتها الواسعه

واهي للحينها ملتزمه وياي ومحترمه الي ابعد الحدود وماعطتني اصلا مجال ثاني

بس لقيت نفسي مجبر اني احمل لها شعور وفعلا صارحتها وتوقعت انها تتركني او على الاقل تزعل

وجابها الله بالاقل وزعلت فتره مو قصيره بالنسبه لي

واخر شي ردت مضطره لانه بينا شغل ماخلص

وضليت هم اتعامل وياها باسلوب محترم واراعيها ومافتحت الموضوع

لانه فتحت الموضوع من جديد لازم تكون بوقت مناسب

واخيرا جا الوقت المناسب وتكلمنا مره ثانيه بالموضوع ولقيتها هالمره متقبلته

وعرضت عليها الزواج لانها فعلا من النوع اللي يتقدر وينحب محترمه مثقه خفيفه دم ماتعطي لا اي رجل فرصه انه يتعدى حدوده وياها يعني بالمختصر النوع اللي ماتخاف عليه لو وين حطيته

للاسف الظروف واقصد الظروف عامه ماكانت مناسبه فما تم هالزواج

وتركنا بعض لانه بالاساس كانت العلاقه شريفه جدا واصارحكم انه لي غلطات بحياتي بس مع هالانسانه ماغلطت

او طلبت منها شي زياده لانه كانت نيتي الزواج

انا وضعت هالقصه لانه اقول الصبر هم يخلي الشخص يستجيب لك

ومو شرط انك تعطيه غزل او غيره لانه في النهايه دام نيتك صادقه وياه اكيد بتوصل له

والموضوع يطول وابي اشوف الاراء ولي عوده مره اخرى ان شاء الله

واشكر مره ثانيه صاحبه الموضوع

جمــيل جــدآ..

بـــس صــعبه نجــول حج اللــي نحبــه جيه بلــمره احبــك..


صــعبه ^^

متــآبعه البقـــيه

موضوع راااائع صرااحة

بس اعتقد انه الشخص لو صاارح الطرف الاخر بحبه يمكن الطرف الاخر ما يتقبل هالشي واحتمال يفهمها خطا بعد وخصوصا اذا كان اللي يصااارح امرأة اكيد الشباب راح يفتكروااا شي ثاني وميه بالميه راح يفهموها خطأ


مجرد رأي يسلمووو عالموضوع

اوكيه انا وياكم بهالشي بس انا حسبتها حسبه ثانيه لاني مريت بهالشي

تصوروا اننا ضلين مترددين اهي تنطرني وانا انطرها ولا احد تقدم بهالخطوه

شلون بنعرف انه هالحب موجود

بتقولون لي من اهتمامه ومن وضعه ويانا يمكن مجرد مجامله زايده

ممكن اعجاب بشخصيك بس بصوره ثانيه مغايره للحب

فالخطوه تعطيك على الاقل خط سير تعرف وين بتتجه وشنو بتسوي

انا ما اقصد اول ماتشوف شخص اعجبك طرت عليه احبك ههههههههه هاذي طفاقه

انا تميت ثلاث شهور يوميا اتعامل ياله عرفت اني احب وصارحتها

وقلت لها حتى لو زعلتي او خسرتج رغم هالشي بيسبب لي الم كبير


ولكنه اكيد اخف من الم اني احمل هالشعور وما اصرح فيه واعلنه لج

( وخلوها بين قوسين علشان لا يجي يوم وتندم انك ماصرحت وما عرفت شنو النتيجه وتتحسر وتقول ياريت الزمن يرجع )

وكل الشكر مره ثانيه لصاحبه الموضوع واللي كملو وشاركو فيه اشكرهم بالنيابه عن صاحبه الموضوع هههههههههههههههههههه ادري انا شكو بس لانه دخلت شي مر علي شبيه بالموضوع فصار الموضوع شراكه بينا هههههههه

لي عوده ان شاء الله



حبيت احجز لي مكان ....

اشد انواع الحب الحب من طرف واحد شعور مؤلم
من اصعب أنواع الحب ان تكون انت وحدك من تحب
والحب يوجع دون الاعتراف فيه كيف لوكان الشخص

مجبور يحب شحص مافيه تجواب منه
يسلمو على الطرح

المشاركة الأصلية كتبت بواسطة انطونيو بانديراس اول شي نشكر صاحبه الموضوع عليه وماشالله موضوع متكامل من كل النواحي بنعلق على المشكله ثانيا اهي مو مشكله انتي تبين الطريقه او فاتحه المجال علشان كل واحد يعرف الطريقه اول شي انا اايد طريقه الدخول بالموضوع يعني لا تخليها تكبر يعني لو ماجابت نتيجه بس تكون ماكتمت هالشي بنفسك الصراحه مميزه بهالشي او بغيره يعني انا من طبعي اضحك مع الكل بدون حدود واللي يتعامل وياي يعرف اني لو ابي منه شي بقوله بويهه وماراح اتردد وما احتاج لف ودوران نرجع لموضوع الصراحه والتحمل طبعا هالموضوع مايخص رجل او امراه انتي طرحتيه كامل بس باسلوب امراه الواحد فعلا لما يتحمل ينال اللي يبيه بس هل فعلا هالشخص يستاهل اتحمله انا ما اسال ان كنت احبه او لا الحب شي وانه احب منو هذا اهم شي يعين يمكن هالشخص يبي يستغلك بس بنظام خليه يستوي على نار هاديه وهالنظام موجود وبكثره ابي اعلق هالشخص فيني ودام يبيني اشد واشحب علشان اخليه ينعمي فيني مو يتعلق انا الحب الوحيد اللي مر علي بصدق كان بنفس هالطريقه تخيلو شخص باتفاق الجميع انه مغرور هني اقصد انا لانه يفسرون رفضي لكثره العلاقات اهو غرور مع اني كنت اضحك مع الكل وامزح وياهم حيل بس لما تجي سالفه العلاقه ابعد لانه غلط اربط وحده فيني وانا اصلا مو حاس بشي تجاهها يعني اهو تعب قلب وبس المهم ارجع لموضوعنا هالانسانه كان يربطني فيها شغل واهي فهمتني انه لازم يكون الحدود بينا بالشغل وانا اتفقت وياها بهالشي بس انا بطبعي احب اضحك وايد فكانت تضحك في مرات بس تلزمني بالضحك وانا تعلمت اني وياها اكون ملتزم بما انها رغبتها وفعلا ماكان لي نيه وياها غير الشغل شوي شوي لقيت نفسي اتعلق فيها وباسلوبها وثقافتها الواسعه واهي للحينها ملتزمه وياي ومحترمه الي ابعد الحدود وماعطتني اصلا مجال ثاني بس لقيت نفسي مجبر اني احمل لها شعور وفعلا صارحتها وتوقعت انها تتركني او على الاقل تزعل وجابها الله بالاقل وزعلت فتره مو قصيره بالنسبه لي واخر شي ردت مضطره لانه بينا شغل ماخلص وضليت هم اتعامل وياها باسلوب محترم واراعيها ومافتحت الموضوع لانه فتحت الموضوع من جديد لازم تكون بوقت مناسب واخيرا جا الوقت المناسب وتكلمنا مره ثانيه بالموضوع ولقيتها هالمره متقبلته وعرضت عليها الزواج لانها فعلا من النوع اللي يتقدر وينحب محترمه مثقه خفيفه دم ماتعطي لا اي رجل فرصه انه يتعدى حدوده وياها يعني بالمختصر النوع اللي ماتخاف عليه لو وين حطيته للاسف الظروف واقصد الظروف عامه ماكانت مناسبه فما تم هالزواج وتركنا بعض لانه بالاساس كانت العلاقه شريفه جدا واصارحكم انه لي غلطات بحياتي بس مع هالانسانه ماغلطت او طلبت منها شي زياده لانه كانت نيتي الزواج انا وضعت هالقصه لانه اقول الصبر هم يخلي الشخص يستجيب لك ومو شرط انك تعطيه غزل او غيره لانه في النهايه دام نيتك صادقه وياه اكيد بتوصل له والموضوع يطول وابي اشوف الاراء ولي عوده مره اخرى ان شاء الله واشكر مره ثانيه صاحبه الموضوع

اولا اشكرك يا اخي انطونيو ع صراحتك ..

و اشكر مرورك ..

و كلامك جدا جدا راقي و متميز ..

نحنا يمكن نقابل ناس وااايد .. و نرتاح لهم و نقدرهم و نحترمهم .. و يمكن ف النهايه نحبهم ..

لكن مشاعرهم اتجاهنا قد لا تتعدى الاخوه ..

و هنا تكون المشاعر صعب حد يتحملها .. انك تحب شخص ما يحبك ..

و لكن الموقف الي صارلك .. كثيرا ما يصادف الشباب .. و الجميل لو انه ف النهايه تنتهي بالزواج ..

لكن كل شي قسمه و نصيب ..

و انا هنا اتسائل ... هل الشخص يلي احمل له هالمشاعر .. يستحقها ؟؟؟

و شكرا ..

المشاركة الأصلية كتبت بواسطة فيولايت جمــيل جــدآ.. بـــس صــعبه نجــول حج اللــي نحبــه جيه بلــمره احبــك.. صــعبه ^^ متــآبعه البقـــيه

انا معاج انها صعبه .. و صعبه حييييل ..

و خاصه اذا نحنا ما نعرف مشاعر هالشخص اتجاهنا ..

و لكن اذا كنا نحبه بالصدق نقول له .. حتى لو رفض الفكره .. لكن نطلع يلي داخلنا اتجاهه ..

المشاركة الأصلية كتبت بواسطة عذبة الاحساس موضوع راااائع صرااحة بس اعتقد انه الشخص لو صاارح الطرف الاخر بحبه يمكن الطرف الاخر ما يتقبل هالشي واحتمال يفهمها خطا بعد وخصوصا اذا كان اللي يصااارح امرأة اكيد الشباب راح يفتكروااا شي ثاني وميه بالميه راح يفهموها خطأ مجرد رأي يسلمووو عالموضوع

الف شكر ع ابداء الراي ..

و هذي تصير بعد ..

المشاركة الأصلية كتبت بواسطة انطونيو بانديراس اوكيه انا وياكم بهالشي بس انا حسبتها حسبه ثانيه لاني مريت بهالشي تصوروا اننا ضلين مترددين اهي تنطرني وانا انطرها ولا احد تقدم بهالخطوه شلون بنعرف انه هالحب موجود بتقولون لي من اهتمامه ومن وضعه ويانا يمكن مجرد مجامله زايده ممكن اعجاب بشخصيك بس بصوره ثانيه مغايره للحب فالخطوه تعطيك على الاقل خط سير تعرف وين بتتجه وشنو بتسوي انا ما اقصد اول ماتشوف شخص اعجبك طرت عليه احبك ههههههههه هاذي طفاقه انا تميت ثلاث شهور يوميا اتعامل ياله عرفت اني احب وصارحتها وقلت لها حتى لو زعلتي او خسرتج رغم هالشي بيسبب لي الم كبير ولكنه اكيد اخف من الم اني احمل هالشعور وما اصرح فيه واعلنه لج ( وخلوها بين قوسين علشان لا يجي يوم وتندم انك ماصرحت وما عرفت شنو النتيجه وتتحسر وتقول ياريت الزمن يرجع ) وكل الشكر مره ثانيه لصاحبه الموضوع واللي كملو وشاركو فيه اشكرهم بالنيابه عن صاحبه الموضوع هههههههههههههههههههه ادري انا شكو بس لانه دخلت شي مر علي شبيه بالموضوع فصار الموضوع شراكه بينا هههههههه

ايووااااا ... و هذا يلي كنت اريد افهمه منك ...

و ارجع و اكرر كلامك جدا جدا راااقي ..

( وخلوها بين قوسين علشان لا يجي يوم وتندم انك ماصرحت وما عرفت شنو النتيجه وتتحسر وتقول ياريت الزمن يرجع )

جمله جدا جدا .. جميله ..

المشاركة الأصلية كتبت بواسطة قطرية والعز ساسي اشد انواع الحب الحب من طرف واحد شعور مؤلم من اصعب أنواع الحب ان تكون انت وحدك من تحب والحب يوجع دون الاعتراف فيه كيف لوكان الشخص مجبور يحب شحص مافيه تجواب منه يسلمو على الطرح

قطريه ... صحيح انه صعب صعب صعب انك تحب شخص ما يحبك ..

و تسوي كل شي عشانه .. و هو ولا داري عنك ..

و فوق هذا و ذاك .. يصارحك بانه يحب حد ثاني غيرك ..

بس من رايي حرام تنزل دمعه و حده مني عشان هالشخص .. لانه ابدا ما قدر مشاعري له ..<<<على سبيل المثال